АКАФИСТ СВЯТОМУ ПРЕПОДОБНОМУЧЕНИКУ БРАТУ ИОСИФУ ХРАНИТЕЛЮ МИРОТОЧИВЫЯ ИКОНЫ МАТЕРИ БОЖИЯ ИВЕРСКИЯ МОНРЕАЛЬСКИЯ

 

Брат Иосиф  и Святитель Иоанн Шанхайский и Сан-Францисский чудотворец

АКАФИСТ СВЯТОМУ ПРЕПОДОБНОМУЧЕНИКУ ИОСИФУ,
ВО ИНОЦЕХ АМБРОСИЮ, ХРАНИТЕЛЮ МИРОТОЧИВЫЯ ИКОНЫ
МАТЕРИ БОЖИЯ ИВЕРСКИЯ МОНРЕАЛЬСКИЯ

Кондак 1
Возбранный ковчеже Завета Новаго, ручко и стамно благодати Духа Святаго, избравый единое на потребу: избери ны от мира прежде Суда, да изберем Небо, персть есмы, зовуще:
Радуйся, Амбросие, новое вино Отца Небеснаго.
Икос 1
Анегел хранитель земный ты еси образа Пречистыя: яко носил еси
Ураненную о ланите, уязвляем Любовию Горнею, сице и сам язвы
подъяти сподобился еси, полагая душу свою за Други твоя Небесныя,
темже Небесныя Чинове поют тебе:
Радуйся, во отроцех Православием уловленный.
Радуйся, весть Благую о возрасте Богоотроковицы восприявый.
Радуйся, безпомощность Благовещенскую возлюбивый.
Радуйся, чрез все житие Богоотроковице предстоявый.
Радуйся, Амбросие, новое вино Отца Небеснаго.

Кондак 2
Видяще праведно мученик Иосиф себе в православия чистоте, дерзновенно молит Пречистую о мире всего мира, благостоянии Святых Божиих церквей и соединении всех: мы же, по единому кийждо свое дарование имуще, оскудеваем в любви, притекаем ко Любы неизреченно Рождшей, и ко хранителю чудотворной иконы Ея, умиленно зовуще: Аллилуиа.
Икос 2
Разум недоразумеваемый ищущи нецыи, соглядаша Иверскую
Монреальскую икону, из боку чисту не веряще миру истекати: мы же
не ведущий, имже образом происходит, свидетелие есмы, яко даже
доднесь сухой виссон внезапу мироточит, древле быв напитан тоя
святыни, ужасаемся, поюще:
Радуйся, внимавый себе непрестанно.
Радуйся, сердца чиста стяжателю.
Радуйся, Духа права хранителю.
Радуйся, святаяйвятым подателю.
Радуйся, Амбросие, новое вино Отца Небеснаго.

Кондак 3
Сила Вышняго осени тогда тебе надолзе молити афонскую братию, да отпустит Владычицу с тобою: егда же сама Пречистая рече игумену не преграждати пути Ея, благослови тя, мучениче Иосифе, образом Святым, сице глаголя: Аллилуиа.
ИкосЗ
Имуще благочестивые корение, Иосифе, обрете един безценен бисер,
икону Приснодевы, вся, яко уметы, вменил еси, единое на потребу
уведел еси, приседяще у ногу Отроковицы: мы же решимости твоея не
имамы, обаче молим тебе сице:
Радуйся, благодать Владычицы выну воспевающий.
Радуйся, яко Сия ум твой облагодати.
Радуйся, на всяку нощь бдевый в пении.
Радуйся, наше уныние отгоняющий.
Радуйся, Амбросие, новое вино Отца Небеснаго.

Кондак 4
Бурю помышлений сумнительных сея внутрь благочестивых сердец, иже обличаемый прежде от тебе, о Иосифе, враг спасения нашего, во всю землю извел есть клевету об образе кончины твоея: егда же вящше неже дванадесять дний не растленно бе тело твое по смерти, вернии возопиша: Аллилуиа.
Икос 4
Слышаша пастырие будущие заповедь твою, о Иосифе, о еже не
ревновати друг ко другу, но по Бозе ревновати, слышали суть яко глас
хлада тонкий евангельский: Заповедь новую даю вам: да любите друг
друга: удивляхуся о избрании твоем, зовуще:
Радуйся, свирель евангельская.
Радуйся, и трубо противогордостная.
Радуйся, послушниче Церкви преискреннейший.
Радуйся, овча пастырелюбнейшее.
Радуйся, Амбросие, новое вино Отца Небеснаго.

Кондак 5
Боготечную звезду узревше теплохладнии людие последних времен, Иверскую Монреальскую икону Божия Матере, источиша теплыя слезы покаяния, купно со Обручнику подобным Иосифом, вопия Долготерпеливцу: Аллилуиа.
Икос 5
Видяще отрок румынский Славу Небесную, осиявающую тебе, рабе Божий, благий и верный, распаляше сердце его сатана огнем чуждим: бысть бо ему воня Христова в смерть: мы же взирающе на страшные и чудные судьбы Божий рцем токмо:
Радуйся, не могущий укрытися, верху горы стоящи.
Радуйся, живый токмо в помощи Бога Вышняго.
Радуйся, любы, иже всему верит.
Радуйся, просящим у тебе дающий даже доднесь.
Радуйся, Амбросие, новое вино Отца Небеснаго.

Кондак 6
Проповедниче Богоносне воистину был еси ты, о Иосифе: яко же древле Обручник, телохранитель Пречистыя был еси. Хранимая же тобою душу твою спасе от всякия неприязни, присно поющу тебе: Аллилуиа.
Икос 6
Возсиявый во оном Египте икону Пречистыя Матери Своея, возсия такожде и тебе, хлебодавче Иосифе: ты же немногими леты сокровиществова толикую благодать, иже доднесь маннопитает ны, поющыятебе:
Радуйся, не о хлебе единем живый человек. Радуйся, глаголов пищных источниче. Радуйся, всем вся бывый.
Радуйся, и себе, яко пшеницу чистую Господу принесый. Радуйся, Амбросие, новое вино Отца Небеснаго.

Кондак 7
Хотящим Силам Небесным подвигнуться, и трети светил низврещися, и небу, якоже коже, свитися, не благословися сие, дондеже не взыди к Небесным новый лествицевидец и вси новейшие мученицы за Христа, вопиющий: Аллилуиа.
Икос 7
Новый конкистадор Америце, грехами одряхлевшей, немногим веком истекшим, явился еси, якоже прежний Кортес, пирамиды богохульныя разоряя: мы же во свете твоем видя свет Христов, поем ти, о Иосифе:
Радуйся, каменю несекомый, поражаяй Америцы. Радуйся, Пращу носящий непобедимую. Радуйся, новая Америка Русская. Радуйся, Русь святая в глубинах адовых. Радуйся, Амбросие, новое вино Отца Небеснаго.

Кондак 8
Странное течение твое зряще, сквозе страны различныя обходящее, чему уподобим сие? Разве видению Андрея Юродиваго, иже не узре Пречистыя в Раи, Странствующую на земли, спасая поющих: Аллилуиа.

Икос 8
Всем вся быв, нижних не оставил еси в ежедневней молитве
всенощной. Вышних умоляя помиловати стадо безответное, Велицей
княгине Елисавете подражая, якоже и она, более русским быв, нежели
мнози в России живущий. Мы же имущему благословение
новомученицы глаголем сице:
Радуйся, во Америце погребенный.
Радуйся, земля России в разсеянии.
Радуйся, икону Пречистыя еллином и иудеом сиявый.
Радуйся, тобою бо Мати Господа явилася нам.
Радуйся, Амбросие, новое вино Отца Небеснаго.

Кондак 9
Всякое естество ангельское удивися, како ты не женивыйся, паче всех пеклся еси, о еже угодити Жене, Богови угождая, сыновству невестному твоему поюще: Аллилуиа.
Икос 9
Ветия многовещанныя вемы мнози и во ограде Христовой:
таинственное же служение твое созерцая, да молчит убо всяка плоть
человеча. Господу рекущу: ей, Владыко, яко тако бысть благоволение
пред Тобою. Исповедал род твой, поем сице:
Радуйся, тайно Церкви.
Радуйся, молчальниче неизглаголанне.
Радуйся, уста Пречистыя.
Радуйся, иерарше Духа Свята.
Радуйся, Амбросие, новое вино Отца Небеснаго.

Кондак 10
Спасти хотя мир, аще ли не спасеши, Владыко Святый? Вемы, яко вся, елико хощеши, можеши. Обаче несть спасения не хотящим спасатися от грехов своих, не волящим пети: Аллилуиа.
Икос 10
Стена бысть миродержительная чудотворная икона Божия Матере Иверская: падающей уже бо ладие воздушней, егда, о Иосифе, ты воздвигл еси моисейски руце твои. Икону подъемля, абие низпадоша безстыднии врази, ладия же воздушная исправися, всем поющим в ней:
Радуйся, Мати Божия, Крестом Мати наша. Радуйся, по Сыне хотящая спастися всем. Радуйся, неверному внити на Твой корабль попустившая. Радуйся, веру ему подавшая. Радуйся, Амбросие, новое вино Отца Небеснаго.

Кондак 11
Пение всякое побеждается ангельское Твоими, Пречистая, словесы: Се раба Господня, буди ми по глаголу Твоему. Тем же и раб Твой Иосиф наипаче всех человеку возможных возлюби тишину сию, непрестанно взывати к Богу: Аллилуиа.
Икос 11
Светоприемную свещу во образ Фомина отшествия опоздавший на
панихиду обретоша: возвеявшим ветром, зельне належащим свещи
той, не возмогоша угасити сияние ея, иже из под спуда подаде ей
Иосиф мощно, емуже поем:
Радуйся, в тебе бо светяй и освещаемии от Единаго вси.
Радуйся, брате в житии, братия нарицаяй нас ныне.
Радуйся, искушенный мученичеством.
Радуйся, могущий искушаемым нам помощи.
Радуйся, Амбросие, новое вино Отца Небеснаго.

Кондак 12
Благодать дати восхотев идеже не ступала есть апостольская нога, американстей земле, отверзает Сущий Иверскою Монреальскою иконою потоки чудес, оконце же раскрывает к Небесным всем поющим о Ней: Аллилуиа.
Икос 12
Поюще Божией Матери дондеже пребыл еси с нами в житии твоем, о 
Иосифе, поеши ныне Честнейшую Херувим и Славнейшую без 
сравнения Серафим на Небе Небеси: о страстотерпче святый: 
воспомяни нас унылых и непостоянных, обаче поющих тебе: 
Радуйся, до конца возлюбивый Крестне Возлюбльшаго тя. 
Радуйся, восполняяй Страсти Христовы страданием твоим. 
Радуйся, юдоль нашу плача к пению крестне возвысивый. 
Радуйся, страдание преображенное.
Радуйся, Амбросие, новое вино Отца Небеснаго.

Кондак 13
О Иосифе Новый, пшеницедателю древнему, напояя весь мир миром,
райское соние о нас зряще, подобный! О Иосифу Обручнику,
обрученный Святой Иконе, последовавый! О Иосифу Аримафею, 
зряще ныне Тело Христово, Церковь Его, на Крест возносимую, 
сотаинниче: разреши ны от уз малодушия и уныния, решимости о 
Бозе исполняя: вяжи ны любовию о Христе, разрешая блужения
мирскаго, поющих о тебе: Аллилуиа.